ملک میں کورونا کی تیسری لہر کے وار مزید تیز ہوگئے۔ چوبیس گھنٹے کے دوران وائرس میں مبتلا اٹھاون افراد جاں بحق ہوگئے، جبکہ مزید چار ہزار پانچ سو چوراسی افراد میں وائرس کی تصدیق ہوئی ہے۔

مہلک وائرس سے پندرہ ہزار پانچ سو ایک افراد زندگی کی بازی ہار چکے ہیں۔ ملک میں اب تک سات لاکھ پچیس ہزار چھ سو دو افراد وائرس کا شکار ہوئے۔

این س او سی کے مطابق گزشتہ 24 گھنٹے میں 44 ہزار 514 کورونا ٹیسٹ کیے گئے، ملک بھر میں کورونا کے مثبت کیسز کی شرح 10.29 فیصد رہی۔