اسلام آباد: وزیراعظم شہباز شریف نے مطالبہ کیا ہے کہ الیکشن کمیشن پی ٹی آئی فارن فنڈنگ کیس کا فیصلہ جلد سنائے۔

وزیراعظم شہبازشریف نے سماجی رابطے کی ویب سائٹ ٹوئٹر پر اپنے ٹویٹ میں کہا کہ میں الیکشن کمیشن آف پاکستان سے درخواست کرتا ہوں کہ وہ طویل عرصے سے التواء کے شکار پی ٹی آئی غیر ملکی فنڈنگ کیس پر فیصلہ سنائے۔

I urge the Election Commission of Pakistan to announce long-delayed judgment on PTI foreign funding case. For long has Imran Niazi been given a free pass despite his repeated & shameless attacks on state institutions. Impunity given to him has hurt the country.

— Shehbaz Sharif (@CMShehbaz) July 19, 2022

وزیراعظم نے کہا کہ عمران نیازی ریاستی اداروں پر بار بار شرمناک حملے کر رہے ہیں لیکن الیکشن کمیشن نے پی ٹی آئی چیئرمین کو کھلی چھٹی دے رکھی ہے۔

شہباز شریف نے مزید کہا کہ عمران خان کو دی گئی آزادی سے ملک کو شدید نقصان پہنچ رہا ہے۔

یومِ الحاقِ پاکستان،کشمیریوں کی جدوجہد جاری رکھنے کےعہد کی تجدید ہے، شہباز شریف

دوسری جانب دنیا بھر میں کشمیری آج یوم الحاق پاکستان منارہےہیں، یہ دن منانے کا مقصد اس عہد کی تجدید کرنا ہے کہ کشمیر پاکستان کا حصہ ہے اورپاکستان سے الحاق تک اس کی جدوجہد جاری رہے گی۔

اس حوالے سے وزیراعظم شہباز شریف نے اپنے ٹویٹ میں کہا کہ یومِ الحاقِ پاکستان، کشمیریوں کے پاکستان سے الحاق کے خواب کے شرمندہ تعبیر ہونے تک جدوجہد جاری رکھنے کےعہد کی تجدید ہے۔

یومِ الحاقِ پاکستان، کشمیریوں کے پاکستان سے الحاق کے خواب کے شرمندہ تعبیر ہونے تک جدوجہد جاری رکھنے کے عہد کی تجدید ہے. بھارتی ریاستی مظالم اس مذاحمت، قربانی اور عزم کی پختگی کو ماند نہ کر سکے. ہم کشمیریوں کے اس عظیم جذبے کو سلام پیش کرتے ہیں.

— Shehbaz Sharif (@CMShehbaz) July 19, 2022

وزیراعظم نے مزید کہا کہ بھارتی ریاستی مظالم اس مزاحمت، قربانی اور عزم کی پختگی کو ماند نہ کر سکے، ہم کشمیریوں کے اس عظیم جذبے کو سلام پیش کرتے ہیں۔