پمز اسپتال اسلام آباد کے بورڈ آف ڈائریکٹرز نے وزیر صحت کے احکامات کو نظر انداز کرتے ہوئے مریض کی ہلاکت پر معطل کئے جانے والے عملے کو بحال کردیا۔

چند روز قبل اسپتال کے گائنی وارڈ میں ایکسپائر انستھیزیا کے باعث مریض کی ہلاکت پر نوٹس لیتے ہوئے وزیر صحت عبدالقادر پٹیل کی جانب سے 8 جولائی کو ڈاکٹر ذوفیشاں جبین، ڈاکٹر نسیم اختر اور فارمسٹ راحیلہ غفار کو معطل کر دیا گیا تھا۔

جس کے بعد اسپتال کے بورڈ آف ڈائریکٹرز نے معطل شدہ عملے کو بحال کرنے کا نوٹیفکیشن جاری کردیا ہے۔