کراچی: معروف خوبرو اداکارہ ماہرہ خان کی فلم قائداعظم زندہ باد عید الاضحیٰ پر سینما گھروں کی زینت بنے گی، فلم میں وہ اداکار فہد مصطفیٰ کے ساتھ جلوہ گر ہوں گی۔

اداکاری با کمال جس کی انڈسٹری میں کوئی مثال نہیں ملتی،یہاں بات ہورہی ہے خوبرو اداکارہ ماہرہ خان کی جو 3 سال بعد سینما اسکرین کی زینت بن رہی ہیں، فلم قائداعظم زندہ باد میں جلد بڑے پردے پر نظر آئیں گی۔

وائس آف امریکا سے بات کرتے ہوئے ماہرہ خان نے بتایا کہ فلم ان کیلئے نیا تجربہ تھی، اسکرپٹ پڑھ کرلگا کہ ایسا موقع پھر نہیں ملے گا۔

اداکارہ ماہرہ خان تین برس بعد بڑے پردے پر مِنی کم بیک کرنے کے لیے تیار ہیں۔ ان کی فلم 'قائدِ اعظم زندہ باد' جلد سنیما گھروں کی زینت بنے گی جس سے انہیں کافی امیدیں وابستہ ہیں۔#MahiraKhan #VOAUrduhttps://t.co/WXOt6Fdrnr

— VOA Urdu (@voaurdu) June 29, 2022

مستقبل سے متعلق سوال پر اداکارہ ماہرہ خان کا کہنا تھا کہ سیریل بھی جاری رکھوں گی۔

خوبرو اداکارہ ماہرہ خان نے ڈیجٹل کی دنیا میں بھی لوہا منوایا اور امید ظاہر کی کہ موقع ملا تو مزید فلمیں بناؤں گی۔

فلم انڈسٹری کا بڑا نام ماہرہ خان متعدد ڈراموں اور فلموں میں اداکاری کے جوہر دکھاچکی ہیں ،انہوں نے بھارتی فلم رئیس میں اداکاری کرکے سب کے دل جیت لئے تھے جبکہ حال ہی میں ڈرامہ سیریل ایک ہے نگار نے کامیابی کے جھنڈے گاڑے ہیں ۔