پیٹرولیم مصنوعات کی قیمتوں میں اضافے کے بعد پاکستان ریلوے نے ایک بار پھر کرائیوں میں اضافہ کر دیا ہے۔

پاکستان ریلوے کی جانب سے جاری کئے گئے نوٹیفکیشن کے مطابق مسافر ٹرینوں کا کرایہ 5 فیصد جبکہ فریٹ ٹرین کے کرائے میں مزید 10 فیصد کا اضافہ کیا گیا ہے جس کا اطلاق 21 جون سے ہوگا۔

ریلوے حکام کے مطابق ایک ہفتے میں دوسری بار پیٹرولیم مصنوعات کی قیمتوں میں اضافہ ہوا، ڈیزل کی قیمت میں 59 روپے اضافے کا اثر کرایوں میں منتقل کردیا گیا ہے۔

خیال رہے کہ اس سے قبل 14 جون کو وفاقی وزیر ریلوے خواجہ سعد رفیق نے فریٹ کے کرائے میں 15 فیصد، جب کہ ایکسپریس ٹرینز اور پارسلز کے کرائے میں 10 فیصد اضافے کا اعلان کیا تھا۔