کراچی میں ٹاور کے نزدیک گودام میں مضر صحت شربت پینے سے 22 مزدور بیہوش ہوگئے، جس کے بعد انہیں اسپتال منتقل کردیا گیا ہے۔

ٹاور کے نزدیک گڈز ٹرانسپورٹ کے گودام میں مضر صحت شربت پینے سے مزدور بیہوش ہوئے۔

ریسکیو ذرائع کے مطابق 22 افراد کو نیم بیہوشی کی حالت میں ڈاکٹررتھ فاؤ سول اسپتال لایا گیا جہاں انھیں ابتدائی طبی امداد دی گئی۔

ان کا کہنا تھا کہ مزدوروں نے شربت پیا تھا جس کے بعد ان کی طبیعیت خراب ہوئی، واقعے کے حوالے سے مزید تحقیقات جاری ہیں۔

جبکہ سول اسپتال کے ڈاکٹر شاہ محمد نے بتایا کہ مزدوروں کو جب لایا گیا تو وہ غنودگی کی کیفیت میں تھے، وہ الٹٰی کی وجہ سے فوڈ پوائزننگ کا شکار لگ رہے ہیں۔