سرکاری ملازمین کے لئے خوش آئند خبر ہے کہ وفاقی حکومت نے ہفتے کی تعطیل بحال کردی ہے۔

اسٹیبلشمنٹ ڈویژن نے ہفتے کے روز چُھٹی سے متعلق نوٹیفکیشن جاری کردیا ہے جس کے مطابق پیر تا جمعرات دفتری اوقات کار صبح 8 بجے سے شام 4 بجے تک ہوں گے۔

نوٹیفکیشن کے مطابق پیر تا جمعرات سرکاری دفاتر میں دوپہر 1 سے ڈیرھ بجے تک نماز کا وقفہ ہوگا۔

نوٹیفکیشن کے مطابق جمعہ کے روز دن کے ساڑھے 12 بجے سے ڈھائی بجے تک نماز کا وقفہ ہوگا۔

خیال رہے کہ وزیرعظم شہباز شریف نے وزارت عظمیٰ کا منصب سمبھالتے ہی ہفتے میں دو تعطیلات ختم کرکے صرف ایک چُٹھی کرنے کا اعلان کیا تھا۔