اسلام آباد ہائیکورٹ نے عمر سرفراز چیمہ کی بطور گورنر پنجاب عہدے سے برطرفی کیخلاف درخواست پر لارجر بینچ تشکیل دے دیا۔

اسلام آباد ہائیکورٹ کے چیف جسٹس اطہر من اللہ کی سربراہی میں بینچ تشکیل دیا گیا، جسٹس عامر فاروق اور جسٹس محسن اختر کیانی لارجر بینچ میں شامل ہیں۔

عدالت نے عمر سرفراز چیمہ کی درخواست پر رجسٹرار آفس اعتراضات ختم کرکے لارجر بینچ تشکیل دیا تھا۔

اسلام آبادہائیکورٹ نے کل کیلئے کیس لارجر بینچ کے سامنے لگانے کا حکم بھی دے دیا۔

یاد رہے کہ عمر سرفراز چیمہ نے عدالت سے برطرفی نوٹیفکیشن غیر قانونی قرار دے کر عہدے پر بحال رکھنے کی استدعا کر رکھی ہے۔