جامشورو کے قریب رحمان باباایکسپریس کی 5بوگیاں پٹڑی سےاترگئیں، جس کے باعث ڈاؤن ٹریک پر گاڑیوں کی آمدرفت معطل ہوگئی۔

جامشورومیں میٹنگ ریلوے اسٹیشن کےقریب پشاور سے کراچی آنے والی رحمان باباایکسپریس کی 5 بوگیاں پٹڑی سےاترگئیں۔

حادثے کے بعد فوری طور پر امدادی ٹیموں کو طلب کرلیا گیا تاہم حادثے میں کوئی جانی نقصان نہیں ہوا۔

ٹرین کی بوگیاں پٹڑی سے اترنے کے بعد ڈاؤن ٹریک پرگاڑیوں کی آمد ورفت معطل ہوگئی۔

ریلوے حکام کا کہنا ہے کہ کراچی سے ریلیف ٹرین روانہ کی جارہی ہے، ٹریک کو جلد کلیئر کردیا جائے گا،کوٹری سے ریسکیو عملہ اور کرین روانہ کر دی گئی۔