اسلام آباد: حکومت نے عیدالفطر کی تعطیلات کے حوالے سے نوٹیفکیشن جاری کردیا ہے۔

تفصیلات کے مطابق وفاقی حکومت کی جانب سے عیدالفطر پر 2 مئی سے 5 مئی تک چار روزہ سرکاری تعطیلات کا اعلان کردیا گیا ہے۔

دوسری جانب ماہرین فلکیات نے 2 مئی کو شوال کا چاند نظر آنے کی پیشگوئی کی ہے جس کے پیش نظر عید الفطر 3 مئی بروز منگل کو ہوگی۔

خیال رہے کہ رواں برس کے رمضان المبارک کے پہلے روزے کا اہتمام 3 اپریل بروز اتواار کو کیا گیا تھا۔