انسانی حقوق کےلئے اقوام متحدہ کی ہائی کمشنر مچل بیچلٹ نے بھارت کے غیرقانونی زیرقبضہ جموں وکشمیر کی صورتحال پراپنی مسلسل تشویش کااظہارکیا ہے۔

دنیابھرمیں انسانی حقوق کی صورتحال کے بارے میں اقوام متحدہ کی انسانی حقوق کونسل کے 48ویں اجلاس کے آغاز پر انہوں نے کہا بھارتی حکام نے عوامی اجتماعات، مواصلات کی بندش پرمسلسل پابندیاں عائد کررکھی ہیں جبکہ مقبوضہ وادی میں سیکڑوں افراد اظہاررائے کی آزادی کاحق مانگنے پرزیرحراست ہیں اورصحافیوں کو مقبوضہ وادی میں شدیددبائو کاسامناہے۔

انہوں نے کہاپابندیوں پرمبنی اقدامات کانتیجہ انسانی حقوق کی خلاف ورزیوں کی صورت میں نکلے گا.کشیدگی میں اضافہ ہوگا اورمقبوضہ وادی میں بے چینی بڑھے گی۔

ریڈیو پاکستان