چیئرمین سی پیک اتھارٹی لیفٹیننٹ جنرل ریٹائرڈ عاصم سلیم باجوہ نے کہا ہے کہ مغربی روٹ کی شاہرات پر کام جاری ہے، ان کی تکمیل سے ایران تک رسائی آسان ہو جائے گی۔

چیئرمین سی پیک اتھارٹی عاصم سلیم باجوہ نے ایک بیان میں کہا ہے کہ بلوچستان میں نوکنڈی تا ماش خیل 103 کلومیٹرشاہراہ پرکام شروع کردیا گیاہے۔ماش خیل سے پنجگور 200 کلومیٹر شاہراہ کا تفصیلی ڈیزائن تیار کیا جارہا ہے۔

انہوں نےکہا سی پیک کے مغربی روٹ پر این 40 کو این 85 اور ایم 8 سے منسلک کیا جاسکے گا۔چاغی تا نوکنڈی سیکٹر گوادرسے منسلک ہونے سے پورا ریجن آپس میں منسلک ہوجائے گا۔ ان شاہراہوں کی تعمیر سے ایران تک رسائی مزید آسان ہوجائے گی۔