وزیراعلی پنجاب عثمان بزدار نے کہا ہے کہ کورونا کی تیسری لہر میں شدت کے پیش نظر این سی او سی کی طرز پر پنجاب میں کمیٹی قائم کر دی ہے۔ عوام سے اپیل ہے کہ ایس او پی پر عمل کریں ورنہ مزید سخت اقدامات کرنا پڑیں گے۔

اپیکس کمیٹی کے اجلاس کے بعد پریس کانفرنس کرتے ہوئے وزیراعلی پنجاب عثمان بزدار نے کہا ہے کہ کہ پنجاب بھر میں کورونا کے مثبت شرح میں خطرناک حد تک اضافہ ہو گیا ہے، ویکسین کی خریداری کیلئے پنجاب حکومت نے ڈیڑھ ارب روپے مختص کر دیئے ہیں۔

ان کا کہنا تھا کہ وینٹی لیٹرز کی تعداد بڑھا رہے ہیں، آکسیجن کی طلب میں بھی اضافہ ہوا ہے۔ ایس او پی پر عملدرامد کروانے کیلئے روزانہ کی بنیاد پر مانیٹرنگ کر کے فیصلے کئے جائیں گے۔

وزیر اعلی پنجاب نے ہیلتھ کئیر ڈیپارٹمنٹ کو نجی ہسپتالوں کے ریٹس پر نظر رکھنے کی ہدائت کی ہے۔ وزیر اعلی نے کہا کہ کوشش کر رہے ہیں کہ مکمل لاک ڈاون کی طرف نہ جانا پڑے۔