بھارت میں کورونا سے صورتحال ہر گزرتے دن کے ساتھ سنگین ہوتی جارہی ہے۔ گزشتہ چوبیس گھنٹے میں مزید تین لاکھ بتیس ہزار سے زائد ریکارڈ کیسز سامنے آئے، جبکہ دو ہزار دو سو تریسٹھ جان سے گئے۔

بھارت کے اسپتالوں میں بستر بھر گئے ہیں، قبرستانوں میں جگہ کم پڑ گئی ہے اور شمشان گھاٹوں پر دباؤ بڑھ گیا۔

بھارت میں بڑے پیمانے پر آکسیجن کی قلت پیدا ہوگئی ہے، جس کے بعد حکومت نے فوری طور پر جرمنی سے آکسیجن کے تئیس پیداواری پلانٹس اور کنٹینر منگوالیے ہیں جو رواں ہفتے پہنچ جائیں گے۔