الیکشن کمیشن نے سندھ اسمبلی کے حلقہ پی ایس 70 بدین میں ضمنی انتخاب کا شیڈول جاری کردیا، ضمنی انتخاب کے لیے پولنگ 20 مئی کو ہو گی۔

رکن سندھ اسمبلی بشیر احمد کی وفات کے باعث نشست خالی ہوئی تھی۔

الیکشن کمیشن کیجانب سے جاری شیڈول کے مطابق امیدوار کاغذات نامزدگی یکم اپریل سے 5 اپریل تک جمع کرا سکتے ہیں۔

کاغذات نامزدگی کی جانچ پڑتال 12 اپریل تک مکمل کی جائے گی، امیدواروں کی حتمی فہرست 23 اپریل کو جاری کی جائے گی۔