کراچی :پاکستان تحریک انصاف نے کراچی کے حلقے این اے 249 میں ضمنی انتخاب کیلئے امجد آفریدی کو ٹکٹ جاری کردیا ۔

ترجمان تحریک انصاف کراچی کے مطابق این اے 249پر پی ٹی آئی کی جانب سے امجد آفریدی کو ٹکٹ جاری کردیا گیا ، امجد آفریدی پی ٹی آئی ضلع ویسٹ کراچی کے صدر ہیں۔

امجد آفریدی تحریک انصاف کے دیرینہ اورسرگرم کارکن ہیں ، تحریک انصاف کی جانب سے 18افراد نے ٹکٹ کیلئے درخواست دی تھی ،14 امیدواروں نے پی ٹی ائی کی جانب سے کاغذات نامزدگی جمع کرائے تھے۔

تحریک انصاف کراچی کے جنرل سیکرٹری سعید آفریدی نے دعوی کیا ہے کے تحریک انصاف ایک بار پھر اس سیٹ پرکامیابی حاصل کرے گی۔