رواں سال کی پہلی مانیٹری پالیسی کا اعلان آج کیا جائے گا، ماہرین معاشیات کا کہنا ہے کہ افراط زر کی شرح میں معمولی کمی کے پیش نظر پالیسی ریٹ میں کسی ردوبدل کا امکان نہیں۔

اسٹیٹ بینک 2 ماہ کیلئے نئی مانیٹری پالیسی کا اعلان 22 جنوری کو کرے گا، اعلان سے قبل اسٹیٹ بینک کی مانیٹری پالیسی کمیٹی کا اجلاس ہوگا، جس میں ملک کی معاشی صورتحال، افراط زر، مائیکرو اور میکرو انڈیکیٹرز کا جائزہ لیا جائے گا۔

بعدازاں گورنر اسٹیٹ بینک ڈاکٹر رضا باقر بذریعہ زوم پریس کانفرنس میں پالیسی ریٹ کا اعلان کریں گے۔

اقتصادی ماہرین کا کہنا ہے کہ افراط زر اور معاشی اشاریوں کے پیش نظر شرح سود میں کسی تبدیلی کا امکان نہیں۔