پاکستان پیپلز پارٹی کے چیئرمین بلاول بھٹو کا کہنا ہے کہ ضمنی انتخابات ہوں یا سینیٹ الیکشن، ہم ہرمیدان میں حکومت کا ڈٹ کر مقابلہ کریں گے۔

ٹھٹھہ میں پریس کانفرنس کے دوران بلاول بھٹو نے کہا خطے میں سب سے زیادہ مہنگائی پاکستان میں ہے،عوام کو نااہل حکومت کی وجہ سے مہنگائی کا بوجھ اٹھانا پڑرہا ہے۔اگر وزیراعظم کے پاس مسائل کا حل نہیں تو انہیں مستعفی ہونا چاہیئے۔

بلاول بھٹو نے مزید کہا کہ حکومتی وزرا سازش کررہے ہیں لیکن پی ڈی ایم متحد ہے۔