پی ڈی ایم کے سربراہ مولانا فضل الرحمان نے اکتیس جنوری کے بعد حکومتی استعفے نہ دینے کی صورت میں لانگ مارچ کا اعلان کردیا۔

میڈیا سے گفتگو کرتے ہوئے مولانا فضل الرحمان نے کہا کہ سب لوگ اعتماد کے ساتھ چل رہے ہیں، تمام پارٹیاں اکٹھی ہیں۔

پی ڈی ایم کے سربراہ مولانا فضل الرحمان نے کہا ہے کہ سازش چھپ کر ہوتی ہے ہم تو عوام کیساتھ مل کر حکومت کا خاتمہ کر رہے ہیں۔

انہوں نے مزید کہا کہ اکتیس جنوری تک ہم استعفوں کیلئے مہلت دے رہے ہیں، اس کے بعد لانگ مارچ ہوگا۔

ان کا کہنا تھا کہ نیب ادارہ نہیں انتقامی ادارہ ہے، ہم جعلی حکومت سے مذاکرات نہیں کرسکتے۔

مولانا فضل الرحمان نے کہا کہ میری جماعت میں ٹوٹ پھوٹ نہیں کانٹ چھانٹ کا عمل شروع ہوا ہے۔