پنجاب اسمبلی کے ڈپٹی اسپیکر دوست محمد مزاری کے وکیل عرفان قادر کا کہنا ہے کہ سپریم کورٹ کو پارلیمان میں مداخلت کا حق نہیں، سپریم کورٹ اقلیت کو اکثریت پر مسلط نہیں کرسکتی۔

وکیل ڈپٹی اسپیکر نے میڈیا سے گفتگو میں کہا کہ فُل کورٹ سے متعلق نظرثانی کی درخواست دائرکریں گے، امید ہے کیس کو دوبارہ سنا جائے گا۔

عرفان قادر کا کہناتھا کہ ہمیں نظرثانی درخواست کاحق حاصل ہے، لیکن ہم نہیں چاہتے کہ نظرثانی کی درخواست یہ بینچ سنے۔

وکیل ڈپٹی اسپیکر نے کہا کہ آج ہم نے آئین کے مطابق مؤقف عدالت کے سامنے رکھا، ہم ہر سوال کا جواب دینے کیلئے تیار ہیں۔