کراچی کے مختلف علاقوں میں کہیں ہلکی اور کہیں تیز بارش کے بعد موسم خوشگوار ہوگیا۔

شہر قائد میں صبح سویرے بادل برس پڑے، نیو کراچی، نارتھ ناظم آباد، ناظم آباد، اورنگی ٹاؤن، ملیر،صدر، شارع فیصل، شاہ فیصل کالونی، ایئر پورٹ اور اس سے ملحقہ علاقوں میں ہلکی اور تیز بارش ہوئی۔

بارش کے باعث سڑکوں پر پھسلن کے باعث موٹر سائیکلیں سلپ ہونے کے واقعات بھی پیش آئے۔

محکمہ موسمیات کے مطابق شہر میں معتدل بارش کا سلسلہ وقفے وقفے سے جاری رہ سکتا ہے۔

چیف میٹرولوجسٹ سردار سرفراز کے مطابق کراچی میں بارش برسانے والا سسٹم 23 جولائی کی رات سے اثر دکھائے گا جس کے باعث 24 جولائی کو شہر میں موسلادھا بارش ہوگی، جس کا سلسلہ 26 جولائی تک وقفے وقفے سے جاری رہ سکتا ہے۔