امریکی فوڈ اینڈ ڈرگ ایڈمنسٹریشن نے کہا ہے کہ اس نے 12 سے 15 سال کی عمر کے نو عمروں کیلئے فائزر اور بایونٹیک کی کورونا ویکسین کی مکمل منظوری دے دی ہے۔

بالغوں کیلئے کامرنٹی کے نام سے فروخت ہونے والی یہ ویکسین مئی 2021 سے 12-15 سال کی عمر کے گروپ کے لیے ہنگامی استعمال کی اجازت کے تحت دستیاب ہے۔

اب اس کو نوعمروں کے لیے بھی اس برانڈ کے نام سے فروخت کیا جائے گا۔

اس حوالے سے ایف ڈی اے نے کہا کہ مکمل منظوری حفاظت اور تاثیر کے اعداد و شمار کے سخت تجزیہ اور تشخیص کے بعد ہے۔

اس ویکسین کو گزشتہ سال اگست میں 16 سال اور اس سے زیادہ عمر کے افراد میں استعمال کے لیے منظور کیا گیا تھا۔

وفاقی اعداد و شمار کے مطابق امریکہ کی کل آبادی کا تقریباً 67 فیصد مکمل طور پر کورونا کے خلاف ویکسین کر چکا ہے۔