سیالکوٹ میں ایک ماہ پہلے ہونے والے دوران ڈکیتی اندھے قتل میں ٹک ٹاکر بیوی ہی اپنے شوہر کے قتل میں شریک پائی گئی۔

تھانہ اگوکی کے علاقہ میں نامعلوم ملزمان نے دوران ڈکیتی خلیل احمد کو فائرنگ کر کے قتل کردیا تھا جس کا مقدمہ مقتول کے بھائی جلیل احمد کی مدعیت میں درج کیا گیا۔

پولیس ٹیم نے دورانِ تفتیش مقتول کی بیوی میمونہ ارم شہزادی جو کہ ٹک ٹاک پر ویڈیوز بناتی ہے اس نے اپنے ٹک ٹاک پارٹنر رضوان عرف زین سے تعلقات استوار کر رکھے تھے۔

تاہم خاتون نے شادی کرنے کیلئے رضوان عرف زین کے ساتھ مل کر شوہر کے قتل کی منصوبہ بندی کی اور قتل کروا کر وقوعہ کو ڈکیتی کا رنگ دے دیا تھا۔

پولیس نے ملزمہ میمونہ ارم شہزادی سمیت فائرنگ کرنے والے ملزم رضوان کو گرفتار کر لیا ہے۔