سرکاری زمین پر قبضے کا الزام میں سابق وزیراعظم عمران خان کی اہلیہ بشریٰ بی بی کے بھائی احمد مجتبیٰ کو اینٹی کرپشن پنجاب نے تحقیقات کے لیے طلب کرلیا۔

حکام نے بتایا کہ احمد مجتبیٰ پر الزام ہے کہ انہوں نے دیپال پور میں سرکاری مارکیٹ کی زمین غیرقانونی طور پر لیز پر دی اورچیئرمین مارکیٹ کمیٹی طاہر ظہور کے ذریعے سرکاری زمین پر قبضہ کرایا جس سے قومی خزانے کو 20 کروڑ روپے کا نقصان ہوا۔

اینٹی کرپشن حکام کے مطابق دیپال پور میں سرکاری جگہ پر قبضہ کروا کر دکانیں تعمیر کی گئیں، بشریٰ بی بی کے بھائی احمد مجتبیٰ کو تحقیقات کے لیے 6 جولائی کو اینٹی کرپشن ساہیوال میں پیش ہونے کی ہدایت کی ہے۔