گلوکار علی ظفر نے سیاسی رہنماؤں کو مشورہ دیا ہے کہ وہ اپنی کُل دولت کا 5 فیصد حصہ پاکستان کو عطیہ کردیں۔

ایک ٹوئٹ میں علی ظفر نے لکھا کہ میرا سیاسی رہنماؤں کے لیے عاجزانہ مشورہ ہے کہ اپنی دولت میں سے پانچ فیصد حصہ وطن کو عطیہ کریں تاکہ قوم کی حوصلہ افزائی ہو اور وہ بھی اس عمل سے متاثر ہوکر سامنے آئیں اور آپ کے نقشِ قدم پر چل پڑیں۔

گلوکار نے مزید کہا کہ مثال کے ساتھ قیادت کریں۔ انہوں نے ٹوئٹ کے آخر میں ہیش ٹیگ کا استعمال کیا جس میں لکھا تھا کہ یہ صرف میرا ایک خیال ہے۔