اسلام آباد: پاکستان پیپلزپارٹی کے رہنماء اور سابق وزیراعظم یوسف رضا گیلانی نے چیئرمین سینیٹ کا الیکشن سپریم کورٹ میں چیلنج کردیا۔

سابق وزیراعظم یوسف رضا گیلانی نے اسلام آباد ہائیکورٹ کے فیصلے کیخلاف سپریم کورٹ میں درخواست دائر کر دی، اپیل میں اسلام آباد ہائیکورٹ کا فیصلہ کالعدم قرار دینے کی استدعا کی گئی ہے۔

چیئرمین سینیٹ کا الیکشن سپریم کورٹ میں چیلنج#AajNews #AajUpdates pic.twitter.com/ItvDUj2xpc

— Aaj News (@Aaj_Urdu) June 8, 2022

دائر کی گئی درخواست میں کہا گیا ہے کہ اسلام آباد ہائیکورٹ کا سنگل اور ڈویژن بینچ کا فیصلہ قانون و حقائق کے منافی ہے، ہائیکورٹ کا فیصلہ سپریم کورٹ کے ڈپٹی اسپیکر رولنگ فیصلہ میں طے پیرامیٹرز کے برعکس ہے۔

درخواست گزار کے مطابق یوسف رضاگیلانی نےچیئرمین سینیٹ الیکشن میں سب سے زیادہ ووٹ لئے جبکہ یوسف رضا گیلانی کے7ووٹوں کو غلط مسترد کیا گیا، پریزائڈنگ آفیسر نےبدنیتی سے7ووٹر مسترد کئے۔