اسلام آباد: عوامی مسلم لیگ کے صدر شیخ رشید نے کہا ہے کہ اسپیکر کے پاس کوئی پیش نہیں ہوگا، عمران خان کو گرفتار کیا گیا تو لائحہ عمل بنایا گیا ہے۔

بنی گالہ میں میڈیا سے گفتگو کرتے ہوئے شیخ رشید نے کہا کہ موجودہ حکومت کو کسی صورت تسلیم نہیں کیا جائے گا، مہنگائی کے طوفان کو ہر شہر میں اٹھایا جائے گا۔

انہوں نے کہا کہ الیکشن کے علاوہ کسی قسم کے کوئی مذاکرات نہیں ہوں گے۔

انہوں نے مزید کہا کہ بجٹ آرہا ہے، یہ غریبوں کو اور خون چوسیں گے۔

ان کا کہنا تھا کہ کاش وزیراعظم ہاؤس کی بھی لوڈ شیڈنگ ہو۔