کراچی میں اب تک 14 برس کی دعا زہرہ کے اغوا کا معاملہ حل نہیں ہوا ہے کہ شہر میں اس نوعیت کا ایک اور کیس سامنے آگیا ہے۔

نمرہ نام کی ایک لڑکی 20 اپریل کو کراچی کے علاقے سعود آباد سے اغوا ہوئی۔

ایڈیشنل آئی جی غلام نبی میمن نے آج نیوز کو بتایا کہ دعا زہرہ کے کیس میں ابھی تک کوئی ایسی چیز سامنے نہیں آئی ہے۔

دعا زہرہ کے بارے میں ہم کیا جانتے ہیں؟

• دعا زہرہ کو کراچی کے علاقے گولڈن ٹاؤن سے 16 اپریل کو مبینہ طور پر اغوا کیا گیا تھا۔

• 14 برس کی دعا زہرہ کے مبینہ اغوا کے بعد اس کے والد نے پولیس میں شکایت درج کراوئی تھی۔

• بعد ازاں ایک سی سی ٹی وی فوٹیج سامنے آئی تھی جس میں ایک لڑکی کو اکیلے گھر سے نکل کر ایک گاڑی میں بیٹھتے ہوئے دیکھا گیا تھا۔ پولیس کا کہنا تھا کہ یہ فوٹیج دعا زہرہ کی ہے۔ تاہم ان کے والد کا کہنا تھا کہ فوٹیج میں دکھائی گئی لڑکی دعا زہرہ نہیں ہے۔