چیف جسٹس آف پاکستان عمر عطا بندیال نے جوڈیشل کمیشن کا اجلاس 19 اپریل کو طلب کر لیا، اجلاس میں لاہور ہائیکورٹ کے ججز کی مستقلی پر غور کیا جائے گا۔

تفصیلات کے مطابق چیف جسٹس کی زیر صدارت میں جوڈیشل کمیشن کا اجلاس 19 اپریل کو ہو گا، جس میں لاہور ہائیکورٹ میں 13 ایڈیشنل ججز کی مستقلی پر غور کیا جائے گا۔

ایڈیشنل ججز سہیل ناصر، شکیل احمد اور جسٹس صفدر سلیم کی مستقلی پر غور ہوگا، جسٹس ندیم ارشد،جسٹس طارق ندیم، جسٹس امجد رفیق اور جسٹس عابد حسین چٹھہ سمیت جسٹس انوار حسین، جسٹس علی ضیا باجوہ، جسٹس سلطان تنویر احمد اور جسٹس محمد رضا قریشی کے ناموں پر بھی غور ہوگا۔

جبکہ ایڈیشنل ججز شان گل اور جسٹس راحیل کامران کو بھی مستقل کرنے پر غور کیا جائے گا۔