وزیر اعظم کے معاون خصوصی شہباز گل نے کہا ہے کہ وزیر اعظم عمران خان کو وزیر اعلیٰ پنجاب عثمان بزدار کی قسمت کا فیصلہ کرنے کا اختیار مل گیا ہے۔

اپنے ٹوئٹر بیان میں انہوں نے کہا کہ پاکستان تحریک انصاف کی پوری توجہ وزیراعظم کے خلاف اپوزیشن کی تحریک عدم اعتماد کو ناکام بنانے پر مرکوز ہے۔

شہباز گل نے کہا کہ اسلام آباد اس وقت میدان جنگ ہے، پارٹی قیادت کی تمام تر توجہ تحریک عدم اعتماد کو ناکام بنانے اور شیطانی گروہ اور اس کے بیرونی آقاؤں کو بے نقاب کرنے پر ہے۔

ان کا کہنا تھا کہ وزیراعظم عمران خان کے پاس [پنجاب] کے وزیر اعلی [عثمان بزدار] کو تبدیل کرنے یا نہ کرنے کا اختیار ہے، اور وہ مناسب وقت پر جو مناسب سمجھیں گے اس کا فیصلہ کریں گے۔

قبل ازیں آج ایک اور ٹویٹ میں وزیر مملکت برائے اطلاعات و نشریات فرخ حبیب نے کہا کہ حیرت کی بات ہے کہ اپوزیشن کی جانب سے پیش کی گئی تحریک عدم اعتماد میں وزیراعظم کے خلاف بدعنوانی کا کوئی الزام نہیں ہے۔

انہوں نے کہا کہ جن لوگوں نے تحریک عدم اعتماد پیش کی اور تحریک چلائی وہ سب کرپٹ ہیں۔