کراچی: جماعت اسلامی نے کراچی میں اسٹریٹ کرائمز کے بڑھتے ہوئے گراف کو دیکھتے ہوئے احتجاجی مہم کا اعلان کردیا۔

جماعت اسلامی کراچی کے سربراہ حافظ نعیم الرحمان نے کہا ہے کہ ان کی جماعت شہر میں اسٹریٹ کرائمز میں اضافے پر کراچی کے 50 مقامات پر احتجاجی مظاہرے کرے گی۔

انہوں نے کہا کہ پارٹی کا مرکزی احتجاج کلفٹن کے دو تلوار میں ہوگا۔

انہوں نے کراچی میں بڑھتے ہوئے اسٹریٹ کرائمز کا ذمہ دار حکومت سندھ کو ٹھہرایا۔

ان کا کہنا تھا کہ حکمران طبقہ پولیس فورس کا 50 فیصد پروٹوکول ڈیوٹی کے لیے استعمال کرتا ہے۔

انہوں نے جرائم پیشہ عناصر کے سرپرستوں کے خلاف سوموٹو کارروائی کا مطالبہ کیا۔