کراچی: محکمہ موسمیات نے کراچی میں آئندہ 24 گھنٹوں کے دوران بارش کی پیشگوئی کردی۔

محکمہ موسمیات نے اپنے جاری کردہ تازہ ترین موسمی الرٹ میں بتایا کہ آج صبح شہر میں سب سے کم درجہ حرارت 16.5 ڈگری سینٹی گریڈ ریکارڈ کیا گیا جب کہ فضا میں نمی کی سطح 85 فیصد رہی۔

اس میں مزید کہا گیا ہے کہ اس وقت شہر میں مغرب کی طرف سے ہوائیں چل رہی ہیں اور آئندہ 24 گھنٹوں کے دوران بارش کا امکان ہے۔

پی ایم ڈی نے مزید کہا کہ اس وقت موسم مکمل اور جزوی طور پر ابر آلود رہنے کا امکان ہے۔