سابق وزیرخزانہ اسحاق ڈار کے خلاف آمدن سے زائد اثاثوں کے ریفرنس میں شریک ملزم سعید احمد نے بریت کی درخواست دائر کر دی۔احتساب عدالت نے نیب کو نوٹس جاری کر کے 6 اکتوبر تک جواب طلب کر لیا۔

احتساب عدالت اسلام آباد کے جج محمد بشیر نے سابق وزیر خزانہ اسحاق ڈار کے خلاف آمدن سے زائد اثاثوں کے ریفرنس پرسماعت کی۔

سابق صدر نیشنل بنک سعید احمد نے اپنے وکیل کے ذریعے ریفرنس سے بریت کی درخواست جمع کرائی۔ دیگر دونوں شریک ملزمان نعیم محمود اور منصور رضا رضوی نے پہلے ہی بریت کی درخواستیں دائر کر رکھی ہیں۔

نیب پراسیکیوٹر افضل قریشی کورونا وائرس کے باعث عدالت پیش نہ ہو سکے جس کے باعث ریفرنس کی سماعت 6 اکتوبر تک ملتوی کر دی گئی۔