وزیرخارجہ شاہ محمود قریشی کہتے ہیں پاکستان کابل سے امریکی فوج کے انخلاء کے بعد انسداد دہشتگردی اور افغانستان کے مسئلے پر تعاون کے علاوہ امریکا کے ساتھ مضبوط تعلقات چاہتا ہے۔

منگل کے روز نیویارک میں وزرائے خارجہ کانفرنس کی ایک نشست سے خطاب کرتے ہوئے انہوں نے کہاکہ دونوں ملکوں کے درمیان تعلقات کو مزید وسعت دینے کی گنجائش موجود ہے۔

انہوں نے کہا پاکستان علاقائی تجارت اور اقتصادی ترقی کےلئے چین پاکستان اقتصادی راہداری سمیت رابطوں کے دیگر منصوبوں سے استفادہ کرنا چاہتا ہے۔

انہوں نے کہا اس سلسلے میں امریکا اہم شراکت دار ہوگا۔

انہوں نےمزید کہا پاکستان کی ماحول دوست توانائی پالیسی سے صاف اور قابل تجدید توانائی کے شعبے میں امریکی کمپنیوں کیلئے بڑے مواقعے موجود ہیں۔

ریڈیو پاکستان