اسلام آباد:الیکشن کمیشن آف پاکستان نے وفاقی وزراء کے الزامات پر برہمی کا اظہار کر دیا۔

وفاقی وزراء کے الزامات پر چیف الیکشن کمشنر سکندر سلطان راجا کی سربراہی میں الیکشن کمیشن کا اجلاس ہوا ،جس میں الیکشن کمیشن ممبران اور حکام نے شرکت کی۔

اجلاس میں ایوان صدر اور قائمہ کمیٹی میں پیش آنے والے واقعات پر بریفنگ دی گئی۔

ذرائع کے مطابق الیکشن کمیشن نے وفاقی وزراء کے الزامات پر برہمی کا اظہار کرتے ہوئے کہا کہ الیکشن کمیشن آئینی ادارہ ہے، الزامات بے بنیاد اور ناقابل قبول ہیں۔