سڈنی:آسٹریلوی ٹیسٹ ٹیم کے کپتان ٹم پین کی ایشز سیریز سے قبل گردن کی سرجری ہوگی جس کے باعث ان کی ایشز میں شرکت مشکوک سمجھی جارہی ہے۔

میڈیا رپورٹس کے مطابق 36 سالہ ٹم پین گردن اور بائیں بازو کے شدید درد میں مبتلا ہیں اور انہیں سرجری کی ضرورت ہے جبکہ ٹم پین کو یقین ہے کہ وہ ایشز کیلئےفٹ ہو جائیں گے۔

ٹم پین کو توقع ہے کہ وہ اگلے مہینے تک مکمل ٹریننگ میں واپس آ جائیں گے اور ان کا کہنا تھاکہ وہ پہلے ٹیسٹ سے قبل فٹ ہوجائیں گے۔

واضح رہے کہ آسٹریلیا اور انگلینڈ کے درمیان ایشز سیریز کا پہلا ٹیسٹ 8 دسمبر کو برسبین میں شروع ہوگا۔