مسلم لیگ ن کی نائب صدر مریم نواز کہتی ہیں مائنس کی باتیں کرنے والے دیکھ لیں نواز شریف آزاد کشمیر میں پلس ہورہے ہیں۔ سیم پیج اب 'شیم پیج' بن چکا ہے۔

مریم نواز نے آزاد کشمیر کے علاقے دھیر کوٹ اور باغ میں انتخابی جلسے سے خطاب میں کہاتم ایک پیج پر ہونے کے باوجود ایک پیج والوں کو لیکر غروب ہوگئے ہو۔

انہوں نے کہا عمران خان اگر باغ میں جلسہ نہ کرتے تو ان کا بھرم رہ جاتا۔ایسے جلسے کو تو جلسی بھی نہیں کہا جاسکتا۔باغ والوں نے وزارت عظمی کے خواب دیکھنے والوں کو دن میں تارے دکھادیے۔ اگر یہ پورا الیکشن بھی چوری کرلیں تو ہمیں جیتنےسے نہیں روک سکتے۔