اسلام آباد:وفاقی وزیر برائے منصوبہ بندی اور این سی او سی کے سربراہ اسد عمر نے جولائی میں کورونا وائرس کی چوتھی لہر کا خدشہ ظاہر کردیا۔

سماجی رابطے کی ویب سائٹ ٹوئٹر پر وفاقی وزیر برائے منصوبہ بندی اسد عمرنے خبردارکیا ہے کہ پاکستان میں آئندہ ماہ کورونا کی چوتھی لہر کا امکان ہے۔

اپنے ٹویٹ میں اسد عمر نے کہا کہ این سی او سی میں کورونا کا آرٹیفیشل انٹیلی جنس کی بنیاد پر جائزہ لیا گیا جس سے پتہ چلا کہ پاکستان میں جولائی میں کورونا کی چوتھی لہر آسکتی ہے۔

Reviewed the artificial intelligence based disease modeling analysis today in NCOC . In the absence of strong SOP enforcement and continued strong vaccination program, the 4th wave could emerge in Pakistan in July. Please adhere to sop's and vaccinate as soon as possible.

— Asad Umar (@Asad_Umar) June 25, 2021

اسد عمر نے مزید کہا کہ ایس او پیز پر عملدرآمد نہ کرنے سے کورونا بڑھے گا، مضبوط ویکسی نیشن پروگرام جاری نہ رہنے کی صورت میں کورونا کی چوتھی لہر کا خطرہ ہے۔

سربراہ این سی او سی کا مزید کہنا تھا کہ شہری کورونا ایس او پیز پر عمل کریں اور جتنا جلد ممکن ہو ویکسی نیشن کروائیں۔