وزیر دفاع پرویز خٹک نے مہنگائی کو اپوزیشن کا پروپیگنڈا قرار دیتے ہوئے دعویٰ کردیا کہ جس ملک میں مہنگائی نہیں ہوگی وہ ملک رک جائے گا۔

پرویز خٹک نے اپوزیشن کو چیلنج کیا کہ وہ خیبرپختونخوا میں کوئی کچا مکان دکھا دے یا غریب ڈھونڈ دے۔ جس پر حکومتی رکن نے لقمہ دیا کرک میں بہت غربت ہے۔ حکومتی ارکان ہنس پڑے۔ اسپیکر اسد قیصر بھی ہنستے رہے۔ جبکہ خیبرپختونخوا کے عوام نے پرویز خٹک کے بیان کو مسترد کردیا۔

شہریوں کا کہنا تھا کہ وزیر دفاع بیان دیتے ہوئے زمینی حقائق مد نظر رکھیں۔ صوبے میں لاتعداد لوگ خطِ غربت سے نیچے زندگی گزار رہے ہیں۔