اسلام آباد:ملک بھر میں 30 سال یا زائد عمر کے افراد کی واک ان ویکسی نیشن شروع کرنے کا فیصلہ کیا گیا ہے۔

سماجی رابطے کی ویب سائٹ ٹوئٹر پر جاری بیان میں این سی او سی کے سربراہ اور وفاقی وزیر نے کہا کہ این سی او سی اجلاس میں 30سال یا اس سے زائد عمر کے افراد کی واک اِن ویکسی نیشن شروع کرنے کا فیصلہ کیا گیا ہے، اس لئے اگر آپ کی عمر 30سال یا اس سے زائد ہے تو ویکسین کیلئے خود کو رجسٹر کرائیں، خود کو رجسٹر کراکے ویکسی نیشن مرکز جائیں اور ویکسنئ لگوائیں۔

In the NCOC meeting today it was decided to open up walk in vaccination for 30 plus from tomorrow . So if you are 30 or older and registered please go to any vaccination centre and get vaccinated

— Asad Umar (@Asad_Umar) May 28, 2021

ایک اور ٹویٹ میں اسد عمر کا کہنا تھا کہ الحمداللہ کل تک 50لاکھ سے زائد افراد کو کورونا سے بچاؤ کی ویکسین لگائی جاچکی ہے،آپ بھی جلدرجسٹرڈکرائیں اور ویکسین لگوائیں تاکہ ویکسی نیشن زیادہ ہونے پر ہم بندشیں کم کرسکیں اورپاکستان کی ترقی کا سفر تیز تر ہو،آپ اپنی زندگی آزادی کے ساتھ کورونا کے خوف کے بغیر گزار سکیں ۔

الحمد للہ کل تک ویکسین 50 لاکھ سے زیادہ لوگوں کو لگائ جا چکی ہے. آپ بھی جلد رجسٹر کریں اور ویکسین لگوائیں تاکہ ہم بندشیں مزید کم کر سکیں اور پاکستان کی ترقی کا سفر تیز تر ہو. اور آپ اپنی زندگی آزادی کے ساتھ کرونا کے خوف کے بغیر گزار سکیں

— Asad Umar (@Asad_Umar) May 28, 2021