سابق وزیراعظم شاہد خاقان عباسی کہتے ہیں کہ جہانگیرترین پر سیاسی مقدمات بنے، کسی ایک کیس کا بھی چینی سے تعلق نہیں ہے۔

شاہد خاقان عباسی نے میڈیا سے گفتگو میں کہا کہ عمران خان کی حکومت جہانگیر ترین کے ہاتھ میں ہے، جہانگیر ترین کے عشایئے میں چالیس اراکین اسمبلی نےشرکت کی اور حکومت پر کھل کر تنقید کی، اب ان کے اپنے لوگ حکومتی بنچز کے بجائے اپوزیشن بنچز پر بیٹھ رہے ہیں۔

شاہد خاقان نے کہا کہ ان کے اپنے ہی لوگ حکومت چھوڑ کر جارہے ہیں، جہانگیر ترین حکومت کے گھر کا معاملہ ہے، سرکس لگا ہے روز نئے تماشے ہوتے ہیں۔