بانی رکن تحریک انصاف اکبر ایس بابر نے انکشاف کیا کہ مجھے عمران خان کی جانب سے بڑے بڑے عہدوں کی آفر ہوئی ہے، مجھے چئیرمین سینیٹ بنانے کی بھی آفر کی گئی۔ کہتے ہیں عمران خان کی جانب سے 10 روز قبل رابطہ ہوا ہے، کسی کو شک ہے تو وہ آئے تو میں تمام ثبوت دیکھا دوں گا۔

پاکستان تحریک انصاف کے خلاف مبینہ ممنوعہ فنڈنگ کے معاملے پر سکروٹنی کمیٹی کا اجلاس الیکشن کمیشن میں ہوا،

درخواست گزار اکبر ایس بابر الیکشن کمیشن میں پیش ہوئے جبکہ پی ٹی آئی کی جانب سے شاہ خاور الیکشن کمیشن میں ہوئے۔ الیکشن کمیشن نے سکروٹنی کمیٹی کا اجلاس کل دوپہر 2 بجے طلب کرلیا۔

اجلاس کے بعد میڈیا گفتگو میں اکبر ایس بابر نے انکشاف کیا کہ مجھے عمران خان کی جانب سے بڑے بڑے عہدوں کی آفر ہوئی ہے، مجھے چئیرمین سینیٹ بنانے کی بھی آفر کی گئی، عمران خان پاکستان کا بادشاہ بنا ہوا ہے۔

ان کا کہنا تھا عمران خان کی جانب سے 10 روز قبل رابطہ ہوا ہے، کسی کو شک ہے تو وہ آئے تو میں تمام ثبوت دیکھا دوں گا، مجھے پچھلے سینیٹ الیکشن میں ایک دوسری جماعت سے بھی آفر ہوئی تھی۔ ان کا کہنا تھا عمران خان ایمپائر کی انگلی پکڑ کر چل رہا ہے، الیکشن کمیشن کے نوٹی فیکشن میں جے ائی ٹی کا کوئی ذکر نہیں تھا، آج دستاویزات کو خفیہ رکھنے کے لئے جے ائی ٹی کا رنگ دے رہے ہیں۔