صدر مملکت ڈاکٹر عارف علوی نے پاکستان میں نئی وفاقی حکومت قائم کرنے کا مطالبہ کردیا ہے۔

ایک تقریب میں خطاب کے دوران عارف علوی کا کہنا تھا کہ ہم ایک امتحان سے گزر رہے ہیں لہٰذا پاکستان کو ایسی حکومت قائم کرنے کی ضرورت ہے جو عوام کی صحیح معنوں میں نمائندگی اور سیاسی و معاشی استحکام کو یقینی بنانے کے لیے ان کی امنگوں اور امیدوں کی عکاسی کرے۔

صدر مملکت نے کہا کہ جمہوریت، میڈیا اور اسٹیبلشمنٹ کو پاکستان میں ایسی حکومت تشکیل دینے کے لئے کام کرنا ہوگا جب کہ جمہوریت کو مفاد پرستوں کے ہاتھ ہائی جیک نہیں ہونے دیا جا سکتا۔