سربراہ جمعیت علما اسلام (جے یو آئی) مولانا فضل الرحمان علالت کے باعث لاہور کے نجی اسپتال میں زیر علاج ہیں۔

وزیراعظم شہباز شریف جے یو آئی کے سربراہ کی عیادت کے لئے اسپتال پہنچے، جہاں انہوں نے مولانا فضل الرحمان کو گلدستہ پیش کیا اور ان کی صحتیابی کے لئے نیک خواہشات کا اظہار کیا۔

اس کے علاوہ شہباز شریف نے اسپتال انتظامیہ کو مولانا فضل الرحمان کے بہترین علاج یقینی بنانے کی بھی ہدایت کی۔