اسلام آباد: وفاقی حکومت نے انرجی بحران سے نمٹنے کیلئے تجاویزکا پیکج تیارکرلیا ہے۔

آج نیوز کے مطابق تجاویز وزراء پرمشتمل ورکنگ گروپ نے تیارکیں، جس میں شامل سفارشات میں کہا گیا کہ سرکاری دفاترمیں ہفتہ میں پانچ دن کام کیا جائے۔

سرکاری افسران کے فیول الاونس میں35 فیصد کمی کی جائے تاہم کمی کا اطلاق سرکاری محکموں کی آپریشنل گاڑیوں پرلاگو نہیں ہوگا۔

ذرائع کے مطابق سرکاری ملازمین کیلئے ہفتہ میں ایک دن ورک فرام ہوم کی آپشن بھی سفارشات میں شامل ہے۔

علاوہ ازیں گلیوں اورعوامی مقامات پرسٹریٹ لائٹس کی بندش کے ساتھ ساتھ کمرشل مارکیٹیں جلد بند کرنے کی آپشن بھی ورکنگ گروپ کی سفارشات میں شامل ہے۔

واضح رہے کہ وزراء پرمشتمل ورکنگ گروپ کی تجاویز وفاقی کابینہ کو پیش کردی گئیں ہیں۔