ملکی معیشت کیلئے اچھی خبر سامنے آگئی ہے جس کے مطابق چین نے پاکستان کے ساتھ 2 ارب 30 کروڑ ڈالر کی ری فنانسنگ کیلئے شرائط و ضوابط پر اتفاق کرلیا۔

ایک ٹوئٹ میں وفاقی وزیر خزانہ مفتاح اسماعیل نے بتایا کہ چینی بینکوں کے ساتھ 2.3 ارب ڈالرز کی ری فنانسنگ کے لیے شرائط و ضوابط پر اتفاق ہو گیا ہے۔

وفاقی وزیر خزانہ نے کہا کہ ری فنانسنگ سے ہمارے زرمبادلہ کے ذخائر کو بڑھانے میں مدد ملے گی۔

انہوں نے مزید کہا کہ دونوں اطراف سے کچھ معمول کی منظوریوں کے بعد جلد ہی چین کی جانب سے ملک کو 2.3 ارب ڈالرز ملنا متوقع ہے۔