سندھ اسمبلی میں اپوزیشن لیڈر حلیم عادل شیخ نے کہا ہے کہ کرائم منسٹر کی کیبنٹ کرمنلز موسٹ وانٹڈ پر مشتمل ہے، کیا ایسے لوگ اب ملک چلائیں گے؟، موجودہ حکومت مئی کا مہینہ بھی نہیں گزار سکتی۔

سندھ اسمبلی میں اپنے چیمبر میں پریس کانفرنس کرتے ہوئے حلیم عادل شیخ نے کہا کہ عمران کی حکومت بیرونی سازش کے تحت ختم کی گئی۔

انہوں نے کہا کہ انہیں اندازہ ہے ان کی حکومت چند ہفتوں کی مہمان ہے اسی لیے کرپشن کے تجربہ کاروں کو کابینہ میں لیا گیا ہے۔

اپوزیشن لیڈر سندھ اسمبلی نے کہا کہ اداروں کو برا بھلا کہنے والوں کو کرائم منسٹر نے ساتھ بٹھا رکھا ہے، یہ گھنائونی سازش کے زریعہ اداروں کو کمزور کرنا چاہتے ہیں۔

حلیم عادل شیخ نے کہا عدالتی احکامات کے باوجود سندھ اسمبلی میں لوکل گورنمنٹ ایکٹ کے حوالے سے قائم کی گئی کمیٹی کا ایک اجلاس تک نہیں ہوسکا بنا ایکٹ بنائے بلدیاتی انتخابات کا اعلان غیر قانونی ہے۔

ان کا کہنا تھا کہ تحریک انصاف عوام کے حقوق کیلئے جدوجہد کرتی رہے گی۔