بالی ووڈ اداکارہ عالیہ بھٹ نے کہا ہے کہ انہوں نے اچھا دکھنے کیلئے کئی برسوں سے بہت جدو جہد کی ہے جس سے وہ کافی دباؤ کا شکار ہوئی ہیں۔

بھارتی میڈیا کے مطابق اداکارہ نے تھیراپی سیشن اور جسمانی شعور کے متعلق بات کرتے ہوئے کہا کہ لاک ڈاؤن میں مشکل وقت کے دوران تھیراپی کا آغاز کرنے کا مقصد خود کو سکون دینا تھا لیکن ان سیشز کے دوران انہوں نے اپنی کئی پریشانیوں کو دریافت کیا اور اب وہ ہفتہ وار ایک سیشن میں شرکت کرتی ہیں۔

بالی ووڈ اداکارہ نے کہا کہ ظاہری طور پر اچھا نظر آنے کیلئے وہ اپنی غزا، وزن کا بہت خیال رکھتی ہیں جوکہ ایک مسلسل جدوجہد ہے، سوشل میڈیا کی وجہ سے نواجوان لڑکیاں دباؤ کا شکار ہوتی ہیں انہیں یہی پیغام ہے کہ خود پر زیادہ سختی نہ کریں۔