کراچی :پاکستان تحریک انصاف کے رہنماء اور رکن قومی اسمبلی عامر لیاقت حسین کی حالت تشویشناک ہے ،جس کے باعث انہیں اسپتال منتقل کردیا گیا۔

گزشتہ روزعامر لیاقت حسین کے ٹوئٹر اکاؤنٹ سے ٹوئٹ کی گئی کہ ان کی حالت تشویشناک ہے اور انہیں ساؤتھ سٹی اسپتال منتقل کیا جارہا ہے۔

عامر لیاقت حسین کی حالت تشویش ناک ساؤتھ سٹی اسپتال منتقل کیا جارہا ہے

— Aamir Liaquat Husain (@AamirLiaquat) December 30, 2021

عامر لیاقت حسین کی طبیعت خراب ہونے کا سن کر بڑی تعداد میں لوگ بھی اسپتال پہنچ گئے،فوری طبی امداد کے بعد ان کی حالت بہتر ہوگئی جس پر عامر لیاقت کا کہنا تھا کہ الحمد للہ رب العالمین میری حالت خطرے سے باہر ہے۔

الحمد للہ رب العالمین میری حالت خطرے سے باہر ہے وزیراعظم کا مشکور ہوں جنہوں نے میری صحت سے متعلق تشویش کا اظہار کیا تمام اہل پاکستان کا ہاتھ جوڑ کر شکریہ بالخصوص بانیان پاکستان کی اولادوں کا جو اسپتال کے باہر بڑی تعداد میں جمع ہوگئے ہیں ملتمس ہوں اپنے اپنے گھروں کو روانہ ہوجائیں

— Aamir Liaquat Husain (@AamirLiaquat) December 30, 2021

اپنے ٹوئٹر پیغام میں عامر لیاقت نے کہا کہ وزیراعظم کا مشکور ہوں جنہوں نے میری صحت سے متعلق تشویش کا اظہار کیا تمام اہل پاکستان کا ہاتھ جوڑ کر شکریہ بالخصوص بانیان پاکستان کی اولادوں کا جو اسپتال کے باہر بڑی تعداد میں جمع ہوگئے ہیں ملتمس ہوں اپنے اپنے گھروں کو روانہ ہوجائیں۔