لاہور ہائیکورٹ نے اسموگ کے تدارک سے متعلق کیس میں اسکولوں میں سردیوں کی چھٹیاں 20 دسمبر سے کرنے کی تجویز پر غور کیلئے پنجاب حکومت کو کل تک کا وقت دے دیا۔

لاہور ہائیکورٹ کے جسٹس شاہد کریم نے اسموگ کے تدارک سے متعلق کیس کی سماعت کی۔

عدالت نے دوران سماعت پنجاب حکومت کو اسکولوں میں سردیوں کی چھٹیاں جلد کرنے کی تجویز پر غور کرنے کی ہدایت کی۔

عدالت نے کہا کہ پنجاب حکومت سردیوں کی چھٹیاں 20 دسمبر سے کرنے کی تجویز پر غور کرکے عدالت کو آگاہ کرے۔

ڈائریکٹر پی ڈی ایم اے نے عدالت کو بتایا کہ سردی میں اضافے کے باعث رات کو باربی کیو ہوتا ہے جس سے دھواں بڑھ جاتا ہے ، بار بی کیو کو کم کرنے کیلئے ریستوران جلد بند کئے جاسکتے ہیں۔

عدالت نے ریمارکس دیئے کہ اس معاملے کو بعد میں دیکھ لیں گے۔ا سموگ کے تدارک سے متعلق کیس کی سماعت عدالت نے کل تک کیلئے ملتوی کردی۔